Ársskýrsla Lyfjastofnunar 2024
Ávarp forstjóra
Á árinu 2024 voru gerðar umfangsmiklar skipulagsbreytingar hjá stofnuninni og litaðist árið töluvert af þeirri vinnu. Markmið breytinganna voru straumlínulögun á starfsemi, fækkun stjórnenda og almenn hagræðing í rekstri.
Lyfjaskortur var einnig ofarlega á baugi sem og upplýsingatæknimál ásamt mikilli áherslu á vinnu tengda upplýsingaöryggi líkt og víðar í samfélaginu og heiminum öllum.
Hlutverk Lyfjastofnunar er að tryggja öryggi landsmanna með greiðu aðgengi að lyfjum og lækningatækjum, faglegri þjónustu og hlutlausri upplýsingagjöf byggðri á nýjustu þekkingu.
- 1
Tilkynntar aukaverkanir
Tilkynntur grunur um aukaverkun í tengslum við lyfjanotkun
- 120
Lyf á markaði
Lyf með markaðsleyfi og markaðssett í árslok 2024
- 0
Starfsmenn
Fjöldi starfsfólks Lyfjastofnunar í árslok
Lyfjastofnun meðal þeirra eftirlitsstofnana sem þykja standa sig hvað best
Þetta kemur fram í könnun sem Samtök iðnaðarins stóðu fyrir í desember sl. Helmingur aðspurðra setti eftirlitsvinnu stofnunarinnar í hæsta flokk
Lyfjaávísunum undanþágulyfja fækkar milli ára
Umsóknum um ávísun undanþágulyfja fækkaði milli ára. Sala undanþágulyfja að magni til nam 3,3% af heildarsölu lyfjapakkninga árið 2024
Gæði og öryggi lyfja og lækningatækja
Gæði
Lögð er áhersla á að hjá Lyfjastofnun starfi ávallt vel menntaðir og hæfir sérfræðingar á sviði lyfjamála og lækningatækja. Lyfjastofnun býður skapandi vinnuumhverfi og góða starfsaðstöðu og tækifæri til símenntunar og þróunar í starfi.
Traust
Áreiðanleiki og öguð vinnubrögð tryggja öryggi og skapa traust hagsmunaaðila. Lyfjastofnun vill skapa traust s.s. með öflugri upplýsingagjöf, samkvæmni, áreiðanleika, virðingu og opnum samskiptum og samvinnu.
Þjónusta
Lyfjastofnun vill veita hagsmunaaðilum bestu faglegu þjónustu sem völ er á hverju sinni. Þetta er gert með góðu aðgengi að upplýsingum og leiðbeiningum, aðgengi að færustu sérfræðingum og vel menntuðu og þjálfuðu starfsfólki í öflugu samstarfi við heilbrigðisyfirvöld, erlendar systurstofnanir á EES svæðinu og Lyfjastofnun Evrópu.
Ársskýrslan er byggð upp þannig að hægt er að halda áfram á næstu síðu (eða til baka) með því að nota örvarnar neðst á hverri síðu. Einnig er hægt að nálgast efnisyfirlit ársskýrslunnar efst í hægra horninu þaðan sem hægt er að komast beint í aðra kafla ársskýrslunnar.
