Mannauður
Í lok ársins starfaði 71 starfsmaður hjá Lyfjastofnun í rúmum 66 stöðugildum. Starfsmenn í staðvinnu á Vínlandsleið voru 68 og starfsmenn í fjarvinnu þrír. Þeir sem sinntu störfum sínum í fjarvinnu voru staðsettir í Frakklandi og á Nýja-Sjálandi
Þrír starfsmenn voru með erlent ríkisfang. Háskólamenntuð voru 85,7% starfsfólks. Meðal lífaldur var tæplega 47 ár.
Mannauður í tölum
- 19%
Konur
- 0%
Karlar
- 0
Meðalstarfsaldur í árum
Ný mannauðsstefna
Ný mannauðsstefna Lyfjastofnunar var samþykkt í október. Henni var fagnað af starfsfólki stofnunarinnar með því að fá styrkleikamiðaðan fyrirlestur frá Gallup. Með stefnunni var ákveðið að lykilmælikvarði stofnunarinnar í mannauðsmálum yrði helgun starfsmanna og er Q12 frá Gallup notað til þess að mæla hana.
Stofnun ársins
Lyfjastofnun tók þátt í könnuninni Stofnun ársins líkt og fyrri ár.
Heildarmat fyrir Lyfjastofnun var 4,18 sem er hærri einkunn en árið á undan og skilaði stofnuninni í 18. sæti í sínum flokki.
Hæstu einkunnir Lyfjastofnunar mældust í flokkunum:
- Starfsandi (4,48)
- Sveigjanleiki vinnu (4,44)
- Stjórnun (4,37)
- Ánægja og stolt (4,35)
- Sjálfstæði í starfi (4,29)
- Jafnrétti (4,27)
- Vinnuskilyrði (4,26)
Stofnun ársins er samstarfsverkefni stéttarfélagsins Sameykis, Fjármála- og efnahagsráðuneytis, Reykjavíkurborgar og fjölmargra annarra stofnana sem taka þátt í könnuninni en hún nær til tæplega 40.000 manns á opinberum vinnumarkaði.
Jafnlaunaúttekt hjá Lyfjastofnun
Lyfjastofnun fékk endurnýjun á jafnlaunavottun eftir úttekt 15. maí 2025 og gildir nýtt skírteini til ársloka 2028. Samkvæmt jafnlaunagreiningu á launum febrúarmánaðar var Lyfjastofnun með 0,56% óútskýrðan kynbundinn launamun konum í hag. Var þetta bæting frá því í 2024 þegar munurinn var 0,69%.
Heilsuefling starfsmanna
Á árinu var lögð enn meira áhersla á heilsueflingu starfsmanna með virku samstarfi við Auðnast. Þannig fékk starfsfólk fræðslu í EKKO málum, streitustjórnun, svefnvenjum, og andlegri og líkamlegri heilsu bæði karla og kvenna. Að sama skapi fengu stjórnendur sérstaka handleiðslu í EKKO málum og streitustjórnun. Undir lok árs kom hjúkrunarfræðingur frá Auðnast þar sem starfsfólki var boðið upp á árlegt heilsufarsmat ásamt því að öllum var boðið upp á hina árlegu inflúensubólusetningu.
Lífshlaupið
Það var líf og fjör í febrúar þegar allir starfsmenn tóku þátt í Lífshlaupinu og gengu saman á Úlfarsfell og “Billu-hringinn” sem er gönguleið í hverfinu við Lyfjastofnun sem fyrrum starfsmaður bjó til og fékk samstarfsmenn með sér.
Lyfjastofnun hafnaði í öðru sæti í sínum stærðarflokki (70-149 starfsmenn).
Labbakútar Lyfjastofnunar, gönguhópur innan vinnustaðarins, stóð fyrir reglubundnum gönguferðum eftir vinnu á meðan á Lífshlaupinu stóð.
Labbakútar
Gönguhópur Lyfjastofnunar fór í sína árlegu sumarferð í ágúst 2025. Gengið var að Rauðufossum, Auganu og endað við Landmannahelli í grilli og gleði.
Starfsfólk Lyfjastofnunar tók þátt í ýmsum viðburðum á árinu
Við Perluðum með Krafti, tókum þátt í alþjóðlegum baráttudegi kvenna, bleikum degi, gulum september og lyfjatæknadeginum svo fátt eitt sé nefnt.
