Mannauður
Í lok ársins störfuðu 70 starfsmenn hjá Lyfjastofnun í rúmum 67 stöðugildum. Starfsmenn í staðvinnu á Vínlandsleið voru 68 og starfsmenn í fjarvinnu tveir. Þeir sem sinntu störfum sínum í fjarvinnu voru staðsettir á Akureyri og á Nýja-Sjálandi.
Einn starfsmaður var með erlent ríkisfang. Háskólamenntuð voru 84% starfsfólks. Meðal lífaldur er 46 ár.
Mannauður í tölum
- 19%
Konur
- 0%
Karlar
- 0
Meðalstarfsaldur í árum
Jafnlaunaúttekt hjá Lyfjastofnun
Niðurstöður leiða í ljós að launamunur milli kynja er innan viðmiðunarmarka jafnréttisáætlunar. Áfram er unnið að því óútskýrður launamunur hverfi
Lífshlaupið
Lyfjastofnun tók þátt í Lífshlaupinu í ár líkt og fyrri ár. Lyfjastofnun endaði í öðru sæti í sínum stærðarflokki (70-149 starfsmenn) með 14 daga. Sigurvegari flokksins var Njarðvíkurskóli með 14,5 daga og í þriðja sæti hafnaði Teva/Medis með 13,95 daga.
Í tilefni Lífshlaupsins voru formlega tekin í notkun göngubretti við tvær vinnustöðvar. Þetta mæltist vel fyrir og þykir starfsfólki góð tilbreyting að geta gengið á göngubretti við vinnu sína til tilbreytingar frá setu við skrifborðið. Rúna, forstjóri "vígði" hlaupabrettin á viðburði starfsmanna í upphafi Lífshlaupsins.
Labbakútar Lyfjastofnunar, gönguhópur innan vinnustaðarins, stóð fyrir reglubundnum gönguferðum eftir vinnu á meðan á Lífshlaupinu stóð.
Alþjóðlegur baráttudagur kvenna 8. mars
Kvenkyns starfsmenn Lyfjastofnunar sátu fyrir á mynd í tilefni alþjóðlegs baráttudags kvenna.
Gulur september
Starfsfólk Lyfjastofnunar klæddist gulu á gula deginum í september til stuðnings átakinu Gulur september sem hefur það markmið að auka meðvitund fólks um mikilvægi geðræktar og sjálfsvígsforvarna.
Fyrirlestur um heildræna heilsu
Í febrúar fengu starfsmenn fræðslu um heildræna heilsu, sk. heilsuhring sem snertir á öllum þeim þáttum sem hafa áhrif á vellíðan og heilbrigði fólks. Fyrirlesari var Hrefna Hugosdóttir frá Auðnast.
Lyfjatæknadagurinn
Þann 15. október 2024 var alþjóðlegur dagur lyfjatækna, tileinkaður lyfjatæknum á heimsvísu. Fimm lyfjatæknar starfa hjá Lyfjastofnun og sinna þeir fjölbreyttum störfum, m.a. í þjónustuveri, við úrlausn lyfjaskorts, afgreiðslu verðumsókna, við viðhald Sérlyfjaskrár og í fjármálum.
