Ársskýrsla Lyfjastofnunar 2025
Ávarp forstjóra
Árið 2025 var viðburðaríkt hjá Lyfjastofnun. Á árinu fagnaði stofnunin m.a 25 ára afmæli sínu með glæsilegu málþingi og mikið kapp var lagt á tækninýjungar og uppfærslu kerfa með það að markmiði að auka hagræðingu og bæta skilvirkni í samskiptum við hagsmunaaðila og almenning.
Lyfjaskortur var einnig ofarlega á baugi sem fyrr, öryggi almennings og fölsuð og ólögleg lyf, sem er vaxandi ógn á heimsvísu.
Hlutverk Lyfjastofnunar er að tryggja öryggi landsmanna með greiðu aðgengi að lyfjum og lækningatækjum, faglegri þjónustu og hlutlausri upplýsingagjöf byggðri á nýjustu þekkingu.
- 1
Tilkynntar aukaverkanir
Tilkynntur grunur um aukaverkun í tengslum við lyfjanotkun
- 120
Lyf á markaði
Lyf með markaðsleyfi og markaðssett í árslok 2025
- 0
Starfsmenn
Fjöldi starfsfólks Lyfjastofnunar í árslok
Afmælismálþing um fölsuð lyf
Í nóvember átti Lyfjastofnun 25 ára afmæli. Af því tilefni var haldið málþing um fölsuð lyf. Lyfjafalsanir færast sífellt í aukana og mikilvægt að vera vakandi fyrir ógninni sem af þeim stafar. Málþingið var vel sótt og tókst með ágætum.
Listi yfir nauðsynleg lyf aðgengilegur í sérlyfjaskrá
Listi yfir nauðsynleg lyf er nú aðgengilegri en áður. Listinn hefur að geyma heiti lyfja sem fylgjast þarf sérstaklega með hvað birgðastöðu varðar þar sem skortur á þeim gæti haft alvarlegar afleiðingar í för með sér.
Gæði og öryggi lyfja og lækningatækja
Gæði
Lögð er áhersla á að hjá Lyfjastofnun starfi ávallt vel menntaðir og hæfir sérfræðingar á sviði lyfjamála og lækningatækja. Lyfjastofnun býður skapandi vinnuumhverfi og góða starfsaðstöðu og tækifæri til símenntunar og þróunar í starfi.
Traust
Áreiðanleiki og öguð vinnubrögð tryggja öryggi og skapa traust hagsmunaaðila. Lyfjastofnun vill skapa traust s.s. með öflugri upplýsingagjöf, samkvæmni, áreiðanleika, virðingu og opnum samskiptum og samvinnu.
Þjónusta
Lyfjastofnun vill veita hagsmunaaðilum bestu faglegu þjónustu sem völ er á hverju sinni. Þetta er gert með góðu aðgengi að upplýsingum og leiðbeiningum, aðgengi að færustu sérfræðingum og vel menntuðu og þjálfuðu starfsfólki í öflugu samstarfi við heilbrigðisyfirvöld, erlendar systurstofnanir á EES svæðinu og Lyfjastofnun Evrópu.
Ársskýrslan er byggð upp þannig að hægt er að halda áfram á næstu síðu (eða til baka) með því að nota örvarnar neðst á hverri síðu. Einnig er hægt að nálgast efnisyfirlit ársskýrslunnar efst í hægra horninu þaðan sem hægt er að komast beint í aðra kafla ársskýrslunnar.
