Fjármál og rekstur
Fjármögnun Lyfjastofnunar er tvíþætt. Annars vegar er um að ræða innheimt gjald samkvæmt gjaldskrá fyrir veitta þjónustu sem nemur 70% af tekjum stofnunarinnar á ársgrundvelli og stór hluti er greiddur af erlendum aðilum. Hins vegar fær stofnunin framlag frá ríkissjóði sem á að standa undir öðrum verkþáttum sem stofnuninni ber að sinna og nemur um 30% af tekjunum, stærsti hluti þessa fjármagns eru eftirlitsgjöld og árgjöld. Árið 2023 var heildarrekstrarkostnaður Lyfjastofnunar um 1.373 millj. kr. Hækkun heildarrekstrarkostnaðar frá fyrra ári nam því rúmum 6%
Tekjur voru 1.403 millj. kr. á árinu en 1.169 millj. kr. árið á undan. Tekjur jukust því um 20% á milli ára og rekstrarniðurstaðan var jákvæð um tæpar 30 milljónir kr.
Risna Lyfjastofnunar vegna starfsmannahalds árið 2022 langt undir heimildum
Umfjöllun Viðskiptablaðsins um risnu opinberra stofnana gaf tilefni til áréttingar um mitt ár þar sem hún gaf ekki rétta mynd af bókhaldi Lyfjastofnunar. Heimild til þess að bóka risnu fyrir starfsmenn skv. matsfjárhæð Skattsins er margfalt hærri en það sem Lyfjastofnun bókfærði á árinu 2022.