Fjármál

Tekjur voru 1.297 milljónir króna sem var 17% aukning milli ára, úr 1.104 milljónum árið 2020. Afgangur á rekstri stofnunarinnar var 30 milljónir króna árið 2021. Það skýrist helst af því að áætluð útgjöld í tengslum við húsnæðisbreytingar frestuðust vegna tafa á húsnæðisbreytingunum.

Samstarf Lyfjastofnunar og hollensku lyfjastofnunarinnar (MEB) um þjálfun og vinnslu verkefna er nú lokið eftir 4 ára samstarf og var framlag MEB 12,8 milljónir króna. Mögulegt er að þetta samstarf verði endurvakið en ekkert liggur fyrir um það eins og staðan er í dag.

Ljóst er að reksturinn á árinu 2022 verður umtalsvert erfiðari á gjaldahliðinni en verið hefur. Lyfjastofnun stendur í umfangsmiklum breytingum á húsnæði sínu í gegnum leigusalan og samhliða því falla til umfangsmikil útgjöld vegna endurnýjunar á margskonar skrifstofubúnaði og tækjabúnaði sem nauðsynlegur er vegna breytinga á húsnæðinu sem eru áætlaðar að ljúki í lok október 2022.

Áfram eru áskoranir í rekstrinum, s.s. áframhaldandi og aukin uppbygging innviða í tækni til hagsbóta fyrir notendur og heilbrigðisstarfsmenn og ber þar helst að nefna uppbygging á mínum síðum þar sem viðskiptavinir munu geta í auknum mæli gengið frá umsóknum og beiðnum í gegnum sérstakar fyrirtækja síður